Ray Wong的經驗(060320)

www.out-of-body-guide.com

  今朝向自己暗示,我會在夢中保持清醒的意識(我發覺造清明夢對我比較容易,直接出體暫時未能隨我控制),結果訓著左之後,就去左一間好詭秘既教堂既頂樓,而自己就有著完整清醒的意識,有自由意志。間教堂唔係好大,有三層,環境好幽暗,神台上有點燃著的白燭,牆上有幅人像,又唔係耶穌又唔係聖母,完全唔知邊位,跟住都唔打算逗留,行後樓梯走。

  走到街上,一切境物都好清淅,我無刻意再叫自己"出黎",我想就咁體驗下個環境,但一點兒都不模糊,我仲不時提起隻手望自己既手掌,掌紋好清楚,但同平時唔同,最印象深刻既係左手既智慧線斷開左幾節,右手就掌型有點扭曲。

  突然見到前面有一座日式百貨公司,我就走入去睇下,發覺好多人(但係條街好靜架喎),今次係我第一次在清明夢/出體世界中見到有人,我之前只係見過一個黑影。平時發一些普通夢就會有好多人,但清明夢就好孤清,今次係一個突破。裡面都幾大,攤位都擺得幾疏,我問其中一位女職員呢度有無書局,佢就指住我右面話:「呢度咪係囉。」

  跟住我向右望,發覺多左個圖書攤位,跟住我去行左個圈,然後我行去詢問處再問:「呢度有無d好有情調好靚既餐廳?」個女職員就話直行到尾搭扶手電梯上一層就有一間日式餐廳,我講聲唔該後,正打算轉身行,忽然境象變得模糊,知道又要返去了,我閉上眼睛,然後有種向下飄的感覺,一睜開眼,便在
床上了。