Ray Wong的經驗(060308)
今朝係好有意識咁去試出體，希望感覺到果種脫殼既感覺，但又係唔得。又係無端端咁去到一個地方，呢次係一片草地，至於點去果度個過程係無印象。又係好清楚自己係發緊夢，有自由意志，跟住個心叫自己「出黎」，然後又感覺到一陣震動，之後忽然以極速向上飛，眼前一片白茫茫，好光，但個心一點也不驚(我發覺自己出左體之後係唔識驚既)，飛到咁上下覺得有點悶，心諗「夠喇」，跟住即刻極速向下墜，完全係玩free
fall既感覺，但跌到咁上下，個身好似羽毛咁飄落地，個感覺超有趣，覺得自己好似武俠小說裡面的人物識輕功咁。
企返起身，發覺自己去左一個好似渡假村咁既地方，週圍環境幾幽靜，咩人都見唔到，行去間一層高既平房外面望入去又係空洞洞無人無物，跟住一落行，行到去一間好似管理處既屋仔咁既地方，出面有兩隻狗，兩隻狗個樣同我平時見既有少少分
別，又講唔出咩分別，佢地望一望我，無吠又完全無任何反應，我跟住繼續四圍行，去到一條巷仔，前面有個好矮既閘，閘外係向下行落去既石級，去邊我唔知，我諗住就咁行過個閘，但竟然頂住隻腳，我心諗無理由，我實穿得過架喎，但跟住
無再研究，唔知點解已經唔想落去。回頭時，見到不遠處有個黑漆漆既背影，係一個男人咁既身型，左手揹住個袋，我有點好奇想走埋去睇清楚，突然眼前景物變得朦朧，我知道要回體了，跟住就醒左。
我覺得今次最有趣既係向上飛同free fall既感覺，仲有果下輕功式著陸真係好難忘。