asdfoiewr的經驗(060305)
尋晚四時，起身去廁所，之後觀察入睡，但入睡後冇清明夢。不久，又醒，係時間出體了，我向身後稍為一退，然後好似平時起身咁爬出來，越過老婆，落床。即有影像，好暗，我用手除眼鏡後，眼鏡仍在，用手篤窗，可以穿過，證實出體中，望望仔女，很模糊，我向窗撞出，飛行中。
我降落，同現實不符，我向前行，有些建築物，有一些人。不久，我進了一間類似餐廳的東東，見到我老豆。
我：「夷！乜你識出體咩(佢冇乜反應，唔知佢係夢體定係可能定未來老豆)
老豆：「係呀。」
我：「你係乜版本呀，我係２００６年黎既，你既肉身果度咩年份呀？」
老豆：「２００８年。」
我：你而家清唔清醒呀，……(一輪心語，我都唔記得左)
跟住我同佢一齊遊覽左附近既街道……
睇黎今次能量充足，完全冇想回體既跡象，我合埋眼，話要去金字塔……眼前一黑(好在冇回體)，場景又再出現，冇變(衰左)，再試……
不久，有四個人出現，我feel到今次又要打交，我命令自己清醒，幻像消失，但係所有野都好硬淨。
唉，點解次次充滿能量時都有人同我打既呢，我冇飛走，佢地車輪戰同我打，大家都冇放能量球，只打拳腳交，終於，佢地都唔夠我打，飛走左。之後又試瞬移幾個地方，始終都係失敗。