rankura的經驗(060305)
唔知點解……可能係好耐未咁心情輕鬆過，好好訓。
朝早俾個電話嘈醒左，心有不甘再去訓過，就係呢下，我出體喇，今次有我前所未有既後腦痺痛感，亦都係第一次響呢間屋出體！好好玩！出到來，同自己原來間房一o的都唔一樣(預左喇)，第一件事梗係叫左守護靈來先！叫左一陣，有隻唔大唔細既雀飛左入來，好喇，咁一齊飛出去啦！
可能太耐冇飛，加上又有o的畏高，所以飛得唔係咁好，起起跌跌咁，唯有叫守護靈帶住路先，途中……好似經過高院定裁判處(有公證女神像果度)……
點知冇幾耐，隻貓一屁股得過來我塊面度……就係咁……醒左……(出體既時間真係短暫……)
心有不甘，再訓再出，今次見返隻守護靈雀，後來見佢幻化成一個光頭男人，佢一路都冇講野。另一邊箱，我見到自己同幾個女仔坐埋一齊，其中我……唔係而家既我(而家既我都唔係
咁既樣既)，有貌似niki既女仔同我講，佢老豆死左好幾年啦，仲一路講一路喊……我突然get到……佢老豆就係守護靈雀變出來個光頭男人……
之後我又再醒左……(又係俾貓整醒……)