波仔飯的經驗(060304)
晚上在房睡覺中，好像突然矇矓的半醒，想起試出体，便立刻放鬆，好像不到幾秒便進入狀態，接著有少許恐懼黎，但我好快說服自己會安全。我不太記得了，我努力睜眼，視覺好黑、好矇，我還以為我又失敗的弄醒了自己的肉身，因為我身處自己張床，跟睡著時一樣子。我是睡上格床，我隱約見到左面有隻手伸了進來，有點驚，冇理到佢，我試下改變自己身体形狀，成功，但維持不久。我努力集中，不停叫自己睇清楚o的，真係清楚左好多，但四周都係黑夜。我開始注意左面隻手，我用右手捉著他，然後左手，我帶著相信的感覺去問：「你是老朋友嗎？」 佢好似答佢叫阿盈，隻手好粗糙，我抓著手落床，我又叫自己看得清楚o的，真係成功了，我看見「她」，但之後關於「她」的我醒後便忘了，不過我隱約記得有一半旅程佢都像導遊般陪著我。
我試飛著去穿牆，我用手檔在面前(開路)，飛到要撞時不感痛楚，但覺得有o的阻力，身体就半透明的穿左過去，飛行感覺很好，很真實。但可能唔太懂，似滑翔多o的，落到地面，我站在一塊大石，身處一個像碼頭的海邊，四處有像海盜船的在航行，我在石上、船間飛行，但好像撞到一、兩次，不過都冇事。唔知點解突然想去非洲，心想了地圖，眼前便出現像布製的地圖，唔知做乜有箭咀指住右面，我就向右飛，見到自己公司個名響一間像玩弄散仔城既地方，我在那裏逗留了一下，好像碰到個阿伯，我問佢：「呢度係咩地方？」佢答我約七個中文字，意思是(不想離開都要走)，實際邊幾個字唔記得了，我感到好同意(好玩到唔捨得走)，中途還贈左o的字俾我，但我冇記性又忘了。我繼續飛入散仔城，睇下呢度有冇玩具，我繞著飛，好像撞跌了好多玩具，好像也見到o的咭牌遊戲，跟現實的散仔城很相似，我飛飛下好似撞到個細路，嚇得我差o的回体。
我再飛出去，去了一個像上水(以前住的地方)屋村，我停下來，集中了很多次視力，四周欣賞了好靚既景，呼吸了好多啖好清新既空氣，我又開始站著跟現實作比較(在結論補充)。
轉境，細佬響隔離，但好似比真實年齡細了，我說背著他飛，起初飛得唔多高，覺得超重，我用了很多與神對話中既方式去「命令」自己飛高，很湊效，但去到大約建築物高度時，便無力飛高了，於是繞著的向下飛，見到一個地方我對面寫著森井，個井字中間有個紅點，寫在一塊白色的布上，我那時好像想起在newsgroup裏討論過的地方……
我再向右飛，我見到像打齋的人，見到有少少像紙紮既白老虎，牠在向我吠叫，那些像道士既物体也用手提示我飛開，唔知點解我直覺話我知那是再投抬為人既地方，我飛開想去第二度玩之際，撞到兩個像差佬既物體，佢叫停我，反應很怪，說這裏不是我應該來的地方(唔知佢講出体還是這個森井的地方)，又有一個同我講(我仲唔快o的走,
好似唔走就會死既意思，仲話記得返去沖涼)，因為佢好有警告既成份，我擔心起肉身來，我便立刻想著回体，不用一秒，於是立刻回到床上，我張眼發現自己跟出体開始一刻時，身体位置是一樣的。(醒時
6:30AM)
這次經驗解答左自己好多問題，例如出体後，感覺與現實既差別，視力既分別，我可以答，是完全一樣，唯一不同的，我雙眼好似隔一陣就好似好累得要合埋咁，但我好快又再集中返，我覺得這是一個很好既提示令自己逗留更耐，只要不停保持視力清晰就得。出体後，身体的感覺真的跟現實完全一樣，再說看的，很清晰，像近視零度般，比較起來，比現實更現實。出体旅程其實還有很多地方去了，但醒後忘了不少，在旅程尾段我問自己逗留了幾耐，我覺得好像逗留了半小時。如果最尾唔係撞到差佬，我諗再玩耐o的都冇問題，現在睡醒後，很精神，我也要準備去洗個澡了∼