Ray Wong的經驗(060302)
今朝唔知點解個心好唔安寧，好多思想彈出黎，但個人又好「支力」，跟住用一o的冥想既技巧去calm自己，觀察住o的念頭逐個離開，慢慢好似有種意識上既改變，其實應該係訓著左，然後發覺自己企左響一座大廈既後樓梯，週圍好光猛，我知自己係發緊夢，但境物好清楚，跟住我提醒自己呢個係一個lucid
dream，係可以轉化成出體經體，跟住我去試，叫自己出黎，然後覺得自己個身好似有一種電流響度流動，但震左一會兒就無左個感覺，發覺自己依然企響個後樓梯。
跟住我無理會了，但想嘗試下穿牆的感覺，我向住幅牆行埋去，叫自己行過去，開頭覺得頂住，但我跟住同自己講，呢個唔係物質界，我要過就過，跟住就真係行左過去，過左去之後，見到有一度好靚好豪華既大木門響前面，諗住穿過佢，但忽然有種想法，想見某o的明星偶像(發覺自己原來都好膚淺XDDD)，但又拿唔定主意見邊個好，跟住決定左想見邊個喇，就同自己講，我穿過呢度門，就會見到佢，跟住我就行去度木門，但唔知係咪心情興奮得滯，一穿過度木門後就醒左。
我想問下我呢個其實係一個清明夢，定係已經出左體？我都唔識分。