玫瑰小姐的經驗(060125)
唔好意思咁多位，我第一次出post，我睇過呢個topic好耐，亦睇過King的網站，早年因為成日訓覺唔理係訓響床定扒響書檯訓都成日有「俾鬼壓」郁唔到的感覺，於是上網搵資料下發現了King的網站，亦解答了我心中好多問題，多謝哂……
至於出體，我之前可沒有這個經驗，又有可能曾經試過但自己卻不以為然，亦有跟身邊好幾位朋友和家人討論出體這回事，但她們卻不理會我，覺得我那樣子好有問題，所以我有一段時間也沒有到訪過這個topic，亦沒有再想，可能是因為自己沒有一次真真正正的經驗吧……
但係我懷疑自己上個星期終於有了第一次的經驗，我不知道是夢還是別的，但是種種過程我到今天都記得好清楚，而且畫面清晰，因為我平時做完夢後好快就會忘記細節，又或者是濛糊的，所以我想分享一下，請各位指教……
我上星期半夜煲完隻DVD成3，4點先訓，一合上眼就feel到少少恐怖啦，發冷的感覺，咁我又張開眼，但是已經又動彈不得，我知道又係果種「俾鬼壓」的感覺，我好驚又合上眼要自己訓覺訓覺，總之覺得訓著就會唔驚！！之後唔知過左幾耐，唔知做咩身體飄飄然咁，我下意識想轉身換睡姿，點知原來自己都唔係貼著張床，我見到自己，當時真係好驚好驚，我身體又好似響個無重空間咁，有o的難控制的感覺，我聽到出面街好嘈，有小朋友響公園玩既聲音，但係o的聲有o的似我響水底咁，我向左望見到好多家都仲開著燈(因為我的床是貼著一排windows的)，我伸個頭望出去覺得是剛入黑大家下班回家食飯的時間大概是7，8點(但我心中卻想：現在不是半夜了嗎？？)突然望望下失去左平衡「中」左落街，但係速度是相當的慢，真的好慢，而且可以俾我欣賞到好靚好靚家家戶戶既燈光，好似響太平山望的夜景那麼樣，當我一隻腳著地時發現自己沒有穿鞋子，不知道為何下意識覺得好唔鐘意，好想上返樓著鞋，但是又不知道怎樣才可回家，於是我記得當時我係彈下彈下好似小朋友咁，而且彈的幅度距離愈來愈大，愈來愈高，去到家附近的大埔虛火車站，我當時因為認定覺得自己係出體，所以下意識亦回想起自己亦吸收過這門的學問，知道自己時間會有限，知道自己如果受刺激的話會回到自己的body，於是我把心一橫：「嘻嘻……不如去阿邊個度睇下佢做緊咩先！！」(我直頭當正自己活於真實的invisible girl！！！)而我想著的那個人是我一直暗戀的男生，我上了火車，好多好多人，有著我母校校服的女生和很多上班族像要回家似的，當中我feel到有個女生是看見我的，而且好奇怪咁望住我，我當時有o的怯，一直低頭唔係咁想同佢eye-contact到，我搭到沙田醒起如果要去黃大仙咪要在kowloon tong轉地鐵？？？如果轉唔到點算？？我真係好想去阿邊個度見下佢喎！！！我忽忙之下在沙田落左車，唔知點解覺得有巴士可以去到黃大仙，於是我又彈下彈下去到隔離巴士站(我不是經新城市的，是直接橫過大馬路=.=)但係搵極都搵唔到架要搭既巴士，響度喊，跟住身邊既野開始好黑好黑……之後就醒左喇！！
極唔開心！原本真係好想見下自己鍾意既男生！不過醒左之後真係好累好累，又唔係想訓返果種感覺，同埋有種強烈的失落感……唉！！
其實……大家覺得我到底係咪出左體？？如果係，我下次真係會plan下點去黃大仙，同埋要唔驚唔喊！！
唔該哂各位∼