Wilson~Art of Life的經驗(060119)

www.out-of-body-guide.com

  hi!

  好耐冇上黎,因小弟都差唔多一年都冇試過out ofbodyexperience了。但岩岩就有一次幾清晰既出体經驗,而且同我之前既經驗都幾唔同。

過程係:

00:30-一路聽住催眠既cd(下文會詳述),一路訓

01:30-聽完隻cd

02:00-我諗大約係呢個時間開始出体,首先都係覺得個身好輕,可以隨時飛出去。跟住我就試下走出自己間屋。發現到幾得人驚既野……就係見到一座座墳墓響自己門口度,咁我就諗住再行出去睇下啦,點知見到樓梯下有好大團藍火。一行近就會覺得好熱……果時我心諗:唔係掛,地獄之火?我自己都幾驚下。咁見到果一邊行唔到出去就行另外一邊。另外果邊都有點住幾枝蠟燭,不過就可以行到出去。跟住我行左出去,我望一望隔離屋都係咁……一座座墳墓加埋十字架……唔知係咪因為呢個環境都幾驚嚇下,所以我都無走出去好遠。淨係跳上左棵樹睇左一陣,然後就回体了∼但仲未完……因我以住既出体經驗好多都係連續出体,咁第二次出体果陣我就冇行出間屋,淨係去左樓下睇電視,原本我打算用念力睇下可唔可以見到下期power ball number,(即係香港既六合彩)xddd。但一行埋去就見到部電視播緊個好以discovery channel既節目……我睇到佢介紹緊一o的異生物,一堆藍色臉孔既猩猩,一o的我唔知點形容既昆蟲……但果時我好清楚聽到一句……「這些生物能夠通住其他空間,作為其中既導遊」,然後電視就唔知點解播放另一個講西藏既節目,我記得個主持人係講廣東話,不過就唔記得佢個名,如果唔係可以查下google有冇呢個人。然後就如常回体。咁係淨低果幾次出体,我試過係自己間room飛上天,但都係去返自己間room度……然後就試下打坐,我發覺響出体狀態下打坐,當集中精神果時,會有一股好大既風吹過黎……我自己就幻想緊果o的風係能源,不停俾我吸收。最後,我俾我o的同屋嘈醒左。

04:30-我係大約4點幾醒左,然後就打左呢遍文,雖然我淨係訓左3個鐘,但係就好精神。

  總結:唔知係唔係我由上個星期開始聽催眠cd開始,我既出体經驗比以前既都要清楚,同埋比以前容易控制自己個身體。

  隻CD響呢度可以download到:http://lib。verycd。com/datum/sports/

  係由一個台灣催眠師叫做廖閱鵬出既,佢出左幾隻唔同既CD用響唔同既地方,我自己聽果個就係叫做「廖閱鵬-催眠讓你的眼睛明亮」。我之前都無諗過可以幫助到出体,但聽左之後其實發覺佢同門羅出既CD好相似.大家可以試下,除左出体外,我衣家照鏡都覺得自己對眼令左O的,有光澤左。

  希望以上經驗可以幫到大家。