R的經驗(060101)

www.out-of-body-guide.com

  自從下載同步音樂後,try it every night,今日終於黎料。

  飛呀飛,飄呀飄,不經意去到一個地方。落地細看,呢個地方好靚,風景如畫,好似歐洲。但周圍無人,行左好耐都唔見一個人。忽然見到一間大屋,入到去亦係無人,但就有好多書。我隨手拎一本幾厚既書黎睇,堶惇J文字從未見過,奇形怪狀。揭到其中一頁,印左一幅相,但得個黑線框,堶捻A都無,下面有一行字,我雖然睇唔明,但果一刻忽然有個感覺:只要我將手放上張空白相片上面,就會有影像出現。

  我放隻左手上去,隔左一陣,開始感覺有少少熱力從書本傳過黎。無幾耐,我隻左手手背就突然有個立體影像投射左出黎,影像內容大致係講一個女仔既生活趣事(仔細情形已忘記左,但仍記得係幾好笑),睇左幾分鐘左右就再無影像。

  我開始明白要理解呢本書既內容最方便捷徑就係搵空相框,於是乎,我再向下揭……揭左好多頁,忽然見到有一頁有三個空線相框。我放隻手上去,點知……

  揭到有一頁係印住3個空白相框,心想可以有三段有趣片睇都幾好,於是就放手落第一個空白相框,怪事出現……

  今次投射出黎既影象唔再係先前果位小妹妹有趣經歷,而係我自己細路仔一o的經歷,果一刻感覺好震驚,呆左幾秒,跟住無幾耐見到自己差o的被車撞,果次係幾歲時經歷,估唔到事隔咁多年可以好似回帶咁睇番,好震撼……但眼前所展現影像又如此真實,真係呆左。

  接住放手落第二個相框,又見到自己……

  今次係好近期,大約係3年前既事,因為沉唔住氣被老闆屈食死貓調部門,同老闆argue,結果被fire……跟住失業無收入……炒膿股票……積蓄用盡……同女友分手……唉!人生最低潮時……點解要我睇番咁唔開心既片段?!

  究竟係邊個拍低左呢?果一刻個腦只響起呢個問題!如果係屬於我記憶,照道理唔應該會見埋自己個樣(影像係見到自己同另一個人,屬第三者鏡頭,非第一身觀點)?!

  馬上……我意識到最後一個框既重要性……個心好緊張那一刻,想起好多事…… 

  例如:

  自己當年第一次過澳門就亂打亂撞贏大錢,以後再無出現。自己第一次拍拖,追到一個又靚又好身裁又溫柔既女仔,以後至今亦無咁幸運。咁第一次出體會唔會都係因循呢個宿命-先甜後苦呢?!以後再搵唔番呢個地方、呢本書呢?!

  第一個同第二個相框相隔左好多年,照正常邏輯,第三個應該係發生於晚年,亦應該屬於bad event……

  想到呢一點,個人不禁有股寒意……