asdfoiewr的經驗(051223)
尋晚一出來，好黑，離心力繼續，我耐心等候，不久，有影像出現，車水馬龍，很多人，身處電車路，似係德輔道西，比平時人多很多，望過對面，係七號差館，都係白色，外貌跟現實差不多，所以我一眼認出，我向中環方向行，很多人，我轉為低飛，見到的電車怪怪的，前的一卡係現實生活中的一樣，但後還施住幾卡，都是比頭卡矮一半左右起角長方體，我沿電車路，行下飛下咁，兩邊店舖熱鬧。
我遊覽到差不多上環位置，見到西港城，位置有點偏差，外貌跟現實不同，很美的古歐陸色彩的建築，上環附近的建築的風格跟西營盤有很大出入，我走到海皮，沒有了現在已填海的陸地，我望住個海，心想未試過出體游水，便跳了下去，嘩，同真正游水既感覺差不多，不過就算唔多郁都唔會沉，幾好玩，到我想飛返上岸既時候發覺飛唔郁……