asdfoiewr的經驗(051216)
尋晚臨訓前暗示夢中清醒，不過可能唔關事，中途已去過兩次廁所，應該係響5點至6點半呢段時間，夢中突然清醒，場境係大廈，當時諗住玩陣先，但又有離心力湧過黎，無計，唔可以繼續玩，唔係醒硬。
我命今清醒，今次我又係用呢招，全程瞪大對眼觀察意識提昇，費鬼事返番個肉身度再出，果然，立刻轉變為出體狀態，環境超真實。
四處是高樓大廈，我飛上其中一個屋頂遠望，有好多層，層層都一式一樣的，一排排長方形，很薄的，厚度只有一個單位，很遠處有山有水，我飛過去，有想回體既感覺，轉平飛直飛都係，為免回體，都係由佢free fall，差不多到地面再降落，唔知點解有時係咁，只可向上飛，一打橫飛就想回體。
我遊覽左好耐，都係大廈場景，有個「人」走出來同我講：「呢o的大廈唔係生人住架。」我略有所悟。
之後我行向海邊，發現有條勁似青馬大穚既穚起遠處，近處有很多一式一樣既舊式既幾大隻既木船並列……
繼續亂咁行。我睇睇手，頂，又唔同以前，唔知邊次先真，我數下手指，有時就五隻，有時就六隻，七隻，再數埋腳指，都係咁，今次仲攪野，o的手指係好似入面o的骨識郁咁，不停起度一格格咁轉位，唔識形容，所以攪到數親手指都唔同數目，跟住又係行，試過瞬移，唔得，不過都好開心，今次玩左好耐下。