Boy的經驗(051213)
琴晚食完飯訓左，12.00到先起身，3.00到再訓。用心理時間，訓到有比鬼責，之後唔知肉体定個靈開左眼。之後我再合返埋，慢慢起身，好記得我係有跪響張床到黎企架，之後我試下係咪真係出左，於是大力一跳。嘩，好似跳到好高咁，仲穿過左o的天花，落返黎果下又好大既離心力咁吸落去。
之後飛出左窗，今次飛得超快呀，連我都控制唔到佢停呀，只可以左右左右，搞到係咁撞野，穿過左o的屋之後，去到碼頭，見到勁多鬼仔(外國人)。之後諗住走去搞佢地，但都係冇搞，停左。響M記出面想再飛一次，玩跳樓，跳左n次都飛唔起。仲仆街添，不過唔痛既。其中覺得有少少醒醒地，就開始睇手，focus返果個世界，見到原來我有著衫架，係一件長袖冷衫，有紅藍邊咁架，我根本冇呢件野既，可能天氣凍XDD
跟住見到個呀嬸，好似暈呀佢，佢o的家人扶佢出黎搭船，但船已經停航，之後我仲諗住同佢急救==||冇耐就醒左啦~~~
今次出体好耐呀，咁耐冇出過，好好玩呀今次，第一次有離心力。