asdfoiewr的經驗(051212)
尋晚，四點起來，去廁所，跟住又係聽inner journey320K，聽到22分(成隻29分)，頂唔順，轉側睡訓，之後清明夢（又係聽完後黎料），平時命令清醒都會變成回到床上再直接出體的，今次我刻意望住四週環境，企起度，因為我知一訓低就又要經歷一次直接出體，我望住場境，離心力係咁黎，暈暈地，我眼都唔眨，一路睇住，離心力慢慢消失，我全程觀察意識提昇既過程，場境無變，我o的手腳實在感返左黎，有返晒清醒時記憶。
受ｃｈａｎ姐既植物手理論影響，我又刻意睇返自己隻手，同以往唔同，我睇手掌，五隻手指，肥肥的，一截截的似肥薑，閃閃發光好似有o的銀粉撒左上去咁，突然各手指部住有o的好似薑上面果o的芽生出來咁，好短既，o的芽約十幾廿粒，不時轉變位置，唔知點解同平時睇開既老樹根型好唔同。
到左一處地鐵場境，我想穿上地面，失敗，於是搭電梯上左地面……