stardust的經驗(051127)

www.out-of-body-guide.com

  頭先訓訓下,出左體,件隨住一陣中國大戲聲,我突然覺醒,跟住已開始從床下跌出。我一路向下跌,同時命令轉換環境,轉成外太空的環境,我就像一枝火箭,有個攝錄境頭裝在火箭尾部那樣影著。我一路飛一路想著要看看自己的手,不久,我雙手緩緩升起到我腰間,我看到一雙手的灰影。我放番低雙手,我突然聽到一把無方向感可尋的女聲,用廣東話說了一番說話給我聽,她說得很清楚,速度頗緩慢,內容大約是我對這世界的態度應該是咁樣咁樣,一些事情的出現應是這樣這樣的理解(我唔記得左,sorry……)。她大概說了4-6句說話,那聲音便消失了。跟住我的下跌停左,浮在半空,我開始嘗試向前飛,並伸手向前,好似美國超人咁飛,飛到喎,仲慢慢有o的好細聲既超人音樂伴奏著。)

  跟住醒左,去左一個夢境,係一間我以前打過工的酒店,響changing room見到一兩個工程部的同事,阿良哥。阿良哥一路換衫一路轉過頭同我講:「咦?Peter仔,咁耐冇見肥左咁多既?」(我夠知啦死人頭)

  我跟住出左去搭lift上樓。

  註:我有幾次出完體,右腦會有少少痲痺感覺,唔知係咪右腦開發。