star dust的經驗(051116)
約上午10:30上左床，訓唔著，因為隔離屋裝修，有電鑽聲，但訓訓下訓著左，跟住覺醒，但仍然聽到電鑽聲，我就咁從床上出體，好慢咁飄起上來，穿過牆壁。出到去漆黑一片，心唸住睇光o的，得左，原來係屋外走廊。我嘗試尋找電鑽聲的來源，但唔成功。無耐被o的電鑽聲嘈到我回體，我極之不願意，因為只是出體左一陣。結果倒後飄回屋內，但回體那一刻，可能由於我極不願意咁快回體，所以，直穿落床底再出體，又係跌落十八層地獄那種感覺，不過今次冇跌得咁快咁急。
漸漸地開始停下來，我仍在飄浮狀態，看到前面有一幅半身牆，緊接天花的，我飄過去，成功過到，但過牆時速度十分緩慢，當我陷入到牆中間時我更看到牆身的粒子從我膊頭經過。過牆後看到一幅鐵線網，網後景象像是我童年時住的公共屋村。我唸住過埋個鐵線網，但唔成功，撞網，跟住又跌穿地下，穿左一陣又停低左，又是漆黑一片。周圍景致慢慢變光，我看到我前方下面是像是大商場的平台，有好多人，二個三個一起的，有的站著，有的坐著，而我站著的地方是一個前面沒有任何遮擋物的道路出口盡頭，而高度大約是在平台的四樓那樣高。
我行出去，一躍並緩緩而下，降落在那幅平台上。我飄埋去o的人群度睇下佢地做緊乜，又睇下佢地見唔見到我。佢地應該見到我，但唔理我，我行埋去一o的迎面而黎既人，佢地都避開我。有o的人又倚著欄杆在傾偈，佢地好多都係著白衫白褲既老婆婆同著制服既女護士。我行到一個石台面前(似是商場指南)個石台到我心口咁高，上面坐著三位護士，我問最右面果個問佢見唔見到我，佢話見到。我問中間果個呢度係邊度，佢唔睬我。我問最左面果個而家係咩日子，佢話係星期五，公眾假期，我走左又返轉頭再問佢係幾多號，佢答到我聽唔到，我問多佢幾次，佢答多幾次我先聽到係11月25號，我再問佢係邊年，佢話2005年。跟住我摸左佢一下小腿(佢有著絲襪)，佢眼定定望住我，我再摸多一下(兩下都係好鞋手)，跟住醒左。