asdfoiewr的經驗(051119)
早上約七時，醒來，去完廁所，擺個最放鬆既姿勢，等左幾分鐘，o的肉有o的吉吉下既感覺，又可以出體了，今次有點特別。
天氣涼了，全身比張厚被包實，側睡中，個靈由背部「退」出來，第一次，唔成功，退到一半擺脫唔到張被既投射，跟住我打開背後一半既被，再退，成功出體。
一出來，我行出廳，又係唔係自己間屋，再入返屋，仲有舊野訓左響床度，再出廳，見到我既細女，同佢講左兩句(試過幾次都係見到佢，下次要問下佢係咪守護靈先)。我走到窗邊，個窗好細，捐唔到出去，好辛苦，有兩三層窗既，捐完一層又一層。終於出到外面，好光，被遠處既超強太陽照住，好似西斜咁，立即有想回體既感覺，我連忙用手遮住個太陽，勉強睇到野，嘩！成個一望無際既破爛既城市廢虛，好似打完仗咁，我四圍行，場景都係差不多，向太陽方向飛左一陣，無乜發現，一路上需要用手保護視線。
我停下來，心想，回頭望應該係背光會好舒服，但係一回頭望，很奇怪，黑黑的，看不到，咁我望返前面，冇用手庶住強光，即刻回體。
通常朝早出體都不太穩定。