asdfoiewr的經驗(050928)
尋晚夢中醒覺，立即命令出體，返回肉身，從身從後「退」出來，出到大半，失敗回體，肉身保持不動，再碌出來，成功。
行出客廳，影像不穩定和很暗，不久，穩定下來了，隔格和現實一樣，見到我老婆。
我：「點解呢排出體成日都見到你既？」
老婆：「……」(大意係唔信我懂得出體。)
我：「拿！你而家望住我，我消失比你睇，睇你信唔信。」
我立刻命令回體，回不到(少有)，再大力張開眼，回左體。仍側睡中，立刻再「退」出來，成功，很開心見到我老婆，佢記得我頭先講既野(奇！第一次)，佢仍然唔信我懂出體，佢行去窗邊。
老婆：「如果你可以穿過佢(窗)飛出街我就信喇。」
呢樣係我強項，我二話不說，見窗有很多窗花，一衝，唔成功，再衝，ok，飛左出去……
遠望係一個好大既城市，我向著佢直飛過去，參觀……到了一處碼頭，附近係一個露天廣場，很多人，一個石台上坐著兩名少女，我望住佢，佢有點住怕醜。
我：「請問你叫乜名呀？」
少女：「唔……我叫呀深。」
佢個朋友用o的特眼神望我，話我想溝果個少女。
我：「咁你住起邊呀，可唔可以比個電話我呀。」
少女佢無出聲，起我既白恤衫袋上用筆寫左上去(我當時先知自己原來係著白色恤衫，現實甚少著)，閒談……
我飛走，佢望住我笑，我摸褲後面穿左個大洞，原來係少女剛才寫電話時捉弄我的，弄穿了它，我望返個電話，2444711……大鑊，７個字既，係咪寫漏左個呢……
回體，心中強記電話號碼，很想起來寫低，不過我無起身，仍然側睡中，一邊身已有點痛，不過仲有能量，唔好浪費，再碌出來……
身處警局，我是一個差佬，拿起兩枝槍，向遠處開槍，見到子彈不是飛得很快，能穿過遠處既牆壁，很不容易的，我走出警局，飛行中，地點建築物不多……(跟著都係o的好普通既劇情)
回體後，仍是側睡中，一邊身已經很不舒服，又想去廁所，於是醒來，時間是7點，感覺出左好耐，但係確實時間就唔知。