a~的經驗(050926)
今朝醒左再番訓，夢見自己坐左係架車度，突然由懷疑變成肯定係發緊夢。一轉念，意識極為清醒，眼前一黑，正當想開始嘗試離開身體時，意識體就比一鼓力量一直向後拉， 我就一直平躺著，任由佢拉。
我見到自己響一條不光不暗火車隧道中通過。
過左一陣，我唔想再咁飛，我成功停低，並由平躺變站立，向上飛高左少少，身處一餐廳，我問一個女侍應而家係咩年，佢唔明我個問題，我再問係1999或2000果o的，佢都係話唔知同唔明。
再問佢喱度係邊度，咩國家，佢讀左比我聽， 大概係「couldorsa」或「couldsara」咁上下，佢見我唔肯定既表情就比左個menu我自己睇，上面有寫國家名-Could????(?係我記唔到既字)。
佢好忙，我唯有離開，一路四圍行，一路提醒自己而家出緊體， 要保持呢個焦點，當時感覺好好，一o的都唔累， 商場內唔少人，我四圍行……
行左出街。過馬路時，我發現有人跟蹤我，我一轉身想問佢做咩跟住我，佢居然反問返我做咩跟住佢，佢係一個著整齊黑西裝，戴白手套既西人， 我就同佢講我無跟佢，而家開始各行各路，佢ok。之後我見到一個地鐵站，望住個無厘頭記極都記唔到既站名，我行左落去， 都唔知可以去邊，我想飛起，有o的難，不過最後都成功，但飛唔高，向腳下一望，見到幾個人仔拉住我隻腳唔比我飛……跟住就醒左。