asdfoiewr的經驗(050903)
今朝直接出體兩次後，約七時，諗住應該冇energy啦，好想訓，但係又想起身寫夢日記(係一樣私人野唔想透露，呢度以寫日記代替)，跟住起左身，坐響床頭正想開始「寫」，醒覺(因為冇乜觸覺)，即時命令出體，只有意識提升既感覺，唔需要再經歷一次直接出體，感覺好實在，亦無平時直接出體咁初段黑媽媽既環境，時間唔長，於是我決定唔起身，但係又維持想去寫日記既意欲，要留意自己係咪假醒。
如是者，假醒出體成五六次，原來直接出體兩次後，仲可以刻意咁玩假醒出體。
其中一次好過癮的，就係我一坐起身，就知道自已係假醒，既刻醒覺，回望自己，冇人既，既刻有度力址返我過去原位度，我同佢角力，結果我都落到床，出到體，響角力中見到冇人既位變左有人，不過我冇再研究，角力成功後拿拿臨行開o的，免得比佢吸返我埋去，呢次既回體情況係有度力響我個身後面係咁址。