小葵籽的經驗(050827)
原定係今朝先出，尋晚訓落床轉個頭就唔知做咩自己係度轉來轉去，但我係想訓覺……
先係平轉，然後就開始黎360度後空翻、前空翻……轉到自己都頂唔順……-__-
一出就係廳，四周又係黑媽媽，耳邊仲聽到風扇聲。因為我一向都唔多鍾意夜晚出，四周好黑，得返o的影，咁我就先坐低響床邊，然後感覺到有個人影坐響對面張沙發。
我預計佢係守護靈，同我講緊某o的野(因為我訓前問過佢野。)。然後，我同佢對調左位置，佢坐床邊，我就攤左響沙發上(但聽唔到佢講咩，只係聽到佢好似喃磨咁講野。)。
過左一陣，自己回體(因為太悶)。之後，自己又響度轉……搖來搖去，唯有俾自己出飽先。
今次再出，就去左窗口，然後就跳落去。落到地下，見到自己去左一間古色古香大大大庭園裡面……好似有d假山咁。
咁就四圍行下，但天色實在太黑。唔係好知有咩好玩，就諗不如飛上天，飛到唔係好高既地方，突然覺得眉心好似俾野壓住，個感覺係有度氣唔俾我再上，仲壓到我回體……-__-
回體前見到類似係o的寶殿之類，但見唔到個寶殿地基響邊。同埋寶殿o的柱係有o的金光雕花響上面……不過實在太耀眼……
被迫回體後，把火……於是我唔順氣地即刻再飄返出黎，再飛……今次飛得好用力添……但到左某個位，眉心又再次好重……又回左體……
唔俾飛高，我再出，就改行左去左一間類似咩咩仙館既庭園，諗住去果邊搵下有冇野食，見到門口個亞嬸好凶，佢其中一邊隻袖好空飄飄咁(有d懷疑佢係果o的野……)但另一個嬸嬸都幾nice。但都係無野食，於是唔開心兼無聊，自己回體
不過係呢個地方既感覺好輕鬆，好似feel唔到自己有肉體咁濟(我諗再行落去，就分分鐘唔記得左自己有肉體或者變左發夢……)。
回體後，然後就索性起身，搞下把鬼殺咁嘈既風扇，再睇下鐘……
跟住一覺訓到大天光……今朝再出，不過反而無咩特別……