asdfoiewr的經驗(050826)
今朝約六時，直接出體，當時側睡，個soul響身後「倒車」出來，很順利。到左一個房內，有幾度門，我打開第一道，立刻看見遠處有個小朋友好開心咁向我衝埋黎，心諗一定要冷靜，唔係實回體，好在佢衝到埋黎只係望下我，之後就走左，我行出去，有好多人，我感覺到我果o的牙係合埋，但係兩唇係分得好開，自己個look應該好難睇，不過我改變唔到，最衰無鏡照。
過了一會，我又回到剛才的房間，我打開另一度門，見到o的海豚表演，唔通又係海洋公園，我唔想去海洋公園呀，我又打開另一度門，又見到o的熊貓，如是者，打開左好多度門，都係海洋公園入面o的野……
我回體，再出，又響一個房內，終於諗起去月球，我合埋眼向牆飛，感覺到入左牆。果刻同自己講：「要去月球，月球呀，最好係背面呀……」
我真係感覺到無上下左右同地心吸力既環境，我張開眼，黑媽媽，個頭好暈下，跟住有一個銅色既圓形物體飛撞到我，有點痛，又發現一個圓形的星球物體，不過好細，size好似o的好大既沙灘波咁上下，灰色反光的，我企左響上面，同樣不能分別上下左右，銅色有釘的球又在我身邊飛過，個頭好暈同埋有o的恐懼感，感覺好難受，我頂唔順回體了。