asdfoiewr的經驗(050810)

www.out-of-body-guide.com

  今次幾特別,尋晚換左個位置訓,係床邊黎,因為個位好凍,成日醒,到約5,6點到,我試下郁個soul啦,ok,郁到,於是我腳一出,轉少少,個soul就即刻落左床(因為起床邊),比起唔係訓床邊易出好多,因為凍,出果陣o的被係包實個人,一出到黎,居然企左響度比o的被包實哂,我搞左好耐都整唔開o的被,好無奈咁回體。

  跟住即刻再黎,今次ok,無投射到o的被出黎,我行出廳,黑媽媽,命令唔到變光,行埋窗邊望出去,係好現代化既城市,我飛出去,玩左幾次跳樓,一路上遊覽呢個城市……唔錯既經驗。

  回體後,因為凍,我加多張被響個心口度窄住,訓左一陣,跟住醒左,我行出廳諗住去廁所啦,我發覺個心口有o的痛,心諗,已經拎開左o的被無理由痛架,唔通假醒,我試下響個廳度慢快,ok喎,真係假醒,於是我立刻命出體,無反應,一o的意識提升既感覺都冇,原來已經係出體狀態中。於是我又跳樓出去,無耐,遇見一個似曾志偉既「人」,佢向我襲擊,咁我當然還拖啦,我地起空中打左好耐,佢好似有用唔完既能量咁,後尾我頂佢唔順咁飛走……

  回體後,又來一次假醒,好在我醒覺到,又走左出去玩左一陣。