me的經驗(050807)
大家好∼我第一次post，想請教各位大大。
咁話說尋日下午突然眼訓想午睡喎，大概訓左半粒鐘又因為好熱我相信一直都未完全訓著，突然間覺得自己有股衝動想扯自己出黎，又覺得自己係度左碌右碌，我估梗係自己想出體（之前一直試過好多次結果都係訓到死既－．－）。
跟住我發覺有半邊身可以碌出黎，但又覺得有股磁力攝番自己回原位，之後掙扎左一陣覺得無力想放棄之時，又突然覺得上面有o的野，咁我抬頭望下啦，見到好黑暗既上方有個隋圓形影像，裡面見到個天好藍又有o的建築物，雖然見唔哂成個畫面，但係佢比真實既色彩更飽和更立體，而且我本身係大近視都睇到好清楚＠＠”
之後影像開始矇矓，我想搵自己隻手但唔知點搵，我好大聲咁諗：「唔好呀＞＜」跟住就扯左去發夢，夢中我準備開餐（好明顯自己為食－．－），但我覺得好累想訓，但因為更想食野，於是自己夾硬用對手撐大原本夢中合埋既雙眼＠＠”，跟住就一直發無聊夢勒／．＼
我想請問大家其實係咪自己一直都只係發緊夢呢？