asdfoiewr的經驗(050729)
我本來起夢中醒覺既時候會立即命令出體的，一般都好順利，或者係自動變成出體狀態，清明夢通常唔玩得耐。
尋晚有點特別，我在夢中醒覺，但我決定唔出住，玩左好耐，劇情涉及我一位同事，現代場景，打緊高科技戰爭的，有很多機械人，因為我正想出體的時候，我同事抱著我說：「唔好走呀，我好驚呀！」
我：「我控制唔到架，可能會突然走架。」
同事：「唔好呀！」
我唯有盡量啦，一路上我同佢逃出戰場，到安全地方，奇在我無醒到，入夢，或出體，最後我終於同佢講：「我要走喇，再見！」
我命令出體，點知有點困難，意識提升得很慢，但終於都出左。
一出來，唔知係咪受長時間清明夢影響，我變成一個機械人，好似高達咁，響空中降落，我不停命令自己變返人，但係唔得，場景亦有一排排的小機械人，不時有子彈橫飛，玩左一陣就回體。