asdfoiewr的經驗(050715)
今次時間很短，不過幾特別，想同大家分享下：
今朝8點，個手機鬧鐘響起，我禁熄佢，等佢十分鐘後再響，左手仲渣住部手機再訓，入夢不久，就有清明夢，又係返番肉身，再直接出體。
今次很順利，一碌就出左黎，唔似自己間屋，無乜家私，我例牌走雲全屋，睇下自己，手腳衫褲全部有齊，我入到一間房，見到有隻灰色既貓起地下，我想同佢玩，不過佢無乜反應，跟住我穿過玻璃窗跳出街，但係今次冇跳樓feel，個soul慢慢咁降落地面，個天好黑，命令個天變光，唔掂，又要除返十幾次眼鏡，終於光返。
見到幾架類似警車既車停左係度，深藍色，好靚既。我向前行，見到一個兒童遊樂場，o的滑梯呀，地下呀，全部都係藍色，見到好多人，有大人有細路，佢地身形全都好瘦，最奇係佢地d衫褲全部都係窄身藍色，搞到成個畫面都係藍色，果d細路見到我好開心，其中一個衝過黎，我蹲下來，正準備接佢之際，左手感覺震動，幣！鬧鐘響添，回體去也。
即係話今次好短，十分鐘內已包括入睡，清明夢，出體，遊歷，回體。