思凡的經驗(050701)
我呢……大概係前日到啦……咁我都睇左呢個網兩個月到啦，初初真係好刻意咁去試，但係最後都係唔得……
跟住慢慢就丟淡左但係響前日到啦，咁呢，應該係我發緊夢既時候咁我就係夢中諗住出體……
我仲記得……我就係夢中訓左響張床度……跟住都係響夢中訓左一陣……跟住就嘗試出體。跟住我兩隻手就撐起左自己，一撐就撐起左。感覺到自己企左響度。即刻又覺得，自己又衰左啦。因為回頭睇番自己，好似……係冇訓左響度。
因為響現實之中……我都係咁樣衰既……但係果陣既感覺……好奇怪，我響夢中以為自己失敗……
企左響張床隔離，成身好痺，但係唔知點解又覺得自己好似出左體咁……
意識，個一刻真係好真……記得響果陣係陰天，我行過隔離房，唔知係行過定點……
見到屋企人訓左……跟住我試下飛，但係好似唔多得……但係個人好似浮浮下咁……
跟住我學人用瞬間轉移……又好似……一諗我想去個個朋友既屋企……
好似又真係到左……但係唔知點解睇真o的……又好似無端端有一兩件係自己屋企既傢俬咁……覺得自己其實無去。好明顯，個陣響果間屋係我個朋友果度。
但係又好似出現左一件自己屋企既傢俬，但係而家回想返又唔係架喎……跟住我就醒左。
先知道原來自己頭先未醒，但係睇返果日個天……同夢中既差唔多……咁我想問咁多位，我係發夢定出體呀……？？
因為，我係響夢中想出體，跟住好明顯自己係響夢境入邊訓左響張床度嘗試出體的，請各位高手解答，thx！