asdfoiewr的經驗(050622)
尋晚在夢中，見到已死去的親人，心諗，正，又比我知道係度發緊夢，我立刻命令出體，立即感覺成個人浮起(今次唔駛返番肉身再出體)，浮左一陣，我降落，影像已有五六成，等分零鐘，已經很清楚。
起房中，我行出廳，完全唔係自己間屋，我走雲全屋，間隔都算係香港feel，地下就係o的好舊既細格階磚，望出窗，似係旺角區既舊樓。
本來想飛出去玩，不過諗返to-do-list既野，我響廳度訓低，試下二段出體
啦，訓左一陣，無料到，為免回體，都係唔試。
我見到廳中有一個女人(其實佢一路都響度，一路都冇為意)，我行過去，原來佢見到我，佢好似識得我咁，感覺上佢係我老婆或者女朋友既關係，但查實我係未見過既。
我：「呢度邊度黎架？」
女人：「xx街(唔記得左，但當時知邊係銅鑼環區)」
我：「我叫乜名？係邊個呀？」
女人：「你係咪玩野呀(明顯地呢個女人係識我既)……呢度咪銅鑼環榕樹頭囉。(？？乜榕樹頭唔係響旺角咩)」
過左一陣，有一個男人返屋企，我唔識既，我同佢傾一陣，發現佢原來係個女人既細佬。
再過一陣，又有一男一女返屋企，較為年長既，男既似係一家之主，女既個樣同我外母一模一樣，不過年紀較現實中老。
即係話我今次出體係佢地全家既一份子，係得一個女人(外母)個樣係認得，最衰我今次搵唔到塊鏡照下，睇下會唔會好似上次咁變左第二個樣。