a的經驗(050607)
琴晚12點訓,訓到6點幾醒左去廁所,之後幾個字都未訓得返,當時我一路同自己講「我要出體……」突然間全身一涼,即刻醒一醒,
清楚發現自己浸左響水度,成個人響水面下一米左右。因為o的水係綠綠地色,我估應該響海度。心諗呢次又無出體過程,又無訊號,算唔算出體呢?再諗,都係唔好理咁多喇,等多陣睇下點先。
當時我一路都無郁到,只係諗可以做咩,諗到「龍宮」,反而無諗到我個to-do
list。
突然眼前既水慢慢轉,變左一條通道,一個吸力將我向前吸,我感到有玩海盜船既離心力,感覺好真實,有小小緊張,可以睇到通道表面係銀色,有o的凹凸不平,我舉高左隻手想掂下,但感覺唔到任何野。無幾耐,離心力就停止,眼前係一間餐廳,有個鬼仔waiter,我上前用英文問佢今年係咩年,佢答49,佢響個錢機(?)度好忙,跟手指住個月曆,示意我自己去睇。我睇到AD39411-28,都幾清楚,無乜朦,但心諗,佢又話49既?!再諗,呢個會唔會係一個同我地平衡既世界呢?
無再研究,轉身發現遠處有個識得既人,舊同事Tony(唔熟),佢都面向住我,我走近佢,見到佢本來最少有5呎10既身高,係呢度只係得3尺幾,只到我腰。
我視線轉移左出窗外,發現我而家身處一首大船內,感覺上船係唔會郁,觀光用途,船係位於一個瀑布邊緣一旁,我zoom
in望向瀑布,水流好急,浪高,亂,有隻船仔反左,無人,有o的恐怖。跟住,我就同Tony四周圍行,最後行樓梯上高一層,見到有一堆人挨住張長檯,各自幾個幾個咁傾計,我走近,見到有一個人表演用個好似Bunsen
Burner既物體,噴左d藍火出黎,o的觀眾睇到嘩嘩聲,拍晒手,好似未見過火。我再行遠o的,見到兩個熟朋友(一pair男女),
寒喧左兩句,隨後我同Tony走返落下一層。我見到Tony咁細粒,所以企圖張佢拉番高,拉左2下佢真係高番,但係無「橫」到,只係高,跟住意識開始朦糊,好快眼前一黑,無晒影像,睇鐘~7:30。