asdfoiewr的經驗(050605)
尋晚一覺訓到今朝6點,去完廁所再訓,差足電d清明夢即刻到,夢中見到我亞媽,起度行緊,我立即醒覺(因為玩實佢行唔到),命令出體,又係返番個肉身度再出,我郁兩郁個靈,輕易出體。
一出來,影像很清,遠望有個島,我飛過去,有個好大既廟,參
觀完後,見到一個男人我問佢呢度係邊,佢話係中國既x石山,我再問,聽極都聽到果個x字,我上到山頂,一望無際,心諗,冇野玩,點飛都無用,瞬移啦,我用我既新招(冇目的既瞬移),我面向牆,合埋眼,垂低手,彽飛,撞過去,感覺入左牆後,我停下,張開眼,掂!
到左一隻遊艇,內見到我老細同埋佢個仔,我問佢:
我:「而家係乜野年份呀?」
老細個仔:「1999,10月左右(唔知點解佢話左右),我既生日,在
遊艇內開P。」
我:「你知唔知我係邊個呀?」
老細:「你咪阿paul囉。」
我心諗:「咦?有紋有路喎,等我現實果陣查下先。」
同佢地寒暄一番,都無乜野好玩,咁我又用同樣方法瞬移,唔知去邊好,咁我又聽天由命啦……
如是者,去到一間醫院,內有很多鬼怪呀……
再瞬移,去到一間商場,問到係1992年,有一間大酒樓,我留意左
個xx聯婚同埋個酒樓名(因私隱問題此處不便透露),等我回到物質實相又再引證一下……
再瞬移,又係一間醫院內……(唔打咁多)
今次主要分享o下瞬移方法,有目的既瞬移,我唔係次次得,一半一半啦,但係如果唔想困死一個地方既話,可以試下合埋眼穿過一些果西,通常都會瞬移左,時空都唔同晒。