star dust的經驗(050602)
晏晝訓左一陣，臨訓前暗示自己要出體，仲要希望搵其中一個版友聚一聚。開頭訓唔著，可能飲左包咖啡，加上有點熱，但，慢慢見到有訊號，是眼前有雪花那種(很特別的，見到佢通常都出到體咁滯)，冇耐，有左知覺，我嘗試動下自己對手，得喎，個身有少少浮下浮下，但出唔到，我再看看自己身體同對手，有層橙色金光包圍住自己，但背景環境好特別的，黑黑地，而我對手的圖象顏色好像是在電視上看到生物學家用特別攝影去窺探嬰兒在母體內的情況一樣(見到血管及呈橙色私肌肉一樣)。出唔到體之下突然聽到後方有把女子聲音，好嬌俏，好活潑的，叫我:出來啦，快d啦，出黎玩啦，跟住我就出左體喇，浮左一陣，跟住下沉左一陣之後定左落黎，個把女聲又講：「真係出左喎！」
跟住佢把聲慢慢消失，但周圍漆黑一片，我根本唔知去點追出去，我馬上唸：「變清楚o的，變清楚o的！」跟住就見到前面有度鐵閘，我就穿過去，穿左過去之後見到有o的人，佢地當中見到我既都露出很詫異的神情。但唔知點樣，跟住回左體，我決定醒，就咁醒左喇。