小葵籽的經驗(050318)
大約有五次之多？
訓到八點左右，醒左，努力咁叫自己清醒o的，然後一兩分鐘後又再訓過，跟住就黎料。
今日第一樣學左就係，見到乜就掂行掂過(用飛)。所以已經唔鬼玩穿牆或拆屋。無野留難到我出街，而且一出就已經係第二個世界……
1.最精神呢次，睇野好清楚，景物顏色全部都係很真實，沒有夢境的虛浮。今次係四處亂走，沒有指定人物或地點，只是隨意飛，去了一條大街，上面有些社區會堂，有些寫著元朗區，後來入了一個商場，呵呵呵~~~~
起初係成條街都無人理我，唯獨是有一個小肥仔見到我，咁我行埋去，一開口就問：「你係咪a~~？」(唔知做乜自己咁諗)
跟住佢就答我：「係啊~~~你係『一』呀~~」
咁我亦好隨意咁答：「係啊……」(因為我心裡想當自己叫『一』。)然後我地一齊去左一個商場，在一間賣電腦零件的櫥窗看到一些日子：「158/xxx/2005」(我明明記得當時意會到今年六月。)然後又離開商場，在街上亂跑後又走入了一間酒店，一入門口便看到兩個男明星在大堂咀咀，場面有點搞笑。(偷聽到佢地話：「呢度咁多人，點做呀~」)
我穿過走廊，跑到後門，看到一個得熟口熟面的大印章屏風，本還想穿過屏風出去走走看，但就醒了。不過堅持不動。
2.呢次keep住都幾清醒，睇野幾清楚。又係直接穿過屋企個窗，飛到街上，然後就想起想見見佛祖，一念來，一塊空地上立刻有一陣紅光，然後看到一剎那有一個佛像由地湧出來，然後又轉眼間沉下去。正當我在想為什麼走得很快，空地裡突然有一輛車飛出來，還載著四人，在我身旁飛過，我覺得他們都是佛祖的化身，於是心裡就想趁機問下佢地問題。
無聊問題1：「我叫什麼稱號？」架車就繞過另一個空地上的一個牌扁：「功正」(？)定「正功」呢？
無聊問題2：「做咩供養好呢？？」架車又飛過一個同一個地盤上的牌，寫著「功德林」。然後我還在想有沒有神通力順便開發下，但想來想去，都想不到有什麼東西我需要，那架車便亂飛一通，然後又飛入了另一個地盤消失了。然後無耐我又無無聊聊醒埋。
3.繼續等第三四五六七八次出體，每次越出越短，越唔集中。咁例牌，無乜特別，不過自己飛得高左，有一秒半秒應該係瞬移去左宇宙，睇左半秒銀河，地球……同一個紅卜卜既星體……好靚，但每次見到靚景，我就會即刻「轉台」……(我果然有畏高)
4.有次響屋企出發，一打開窗就feel到出面好大風，feel到無人敢出門……我當然唔理，照出，一出去就有舊紙撲埋黎……第一下諗到莫非呢o的就係你地講遇到o的鬼怪？想襲擊我？但下一刻就feel到舊紙入面應該係包住一隻好大隻既老虎……即刻諗到：「哎呀……你好可愛呀~~~~」跟住就醒左~~~
5.有一次係落左地面，在地面見到好多途人，我心諗：「點解我睇唔出佢地有光呢？」咁我就諗住自己個心輪打開，跟住，大約見到每個人背後都有白光閃一閃，閃一閃之餘，仲見到每一個迎面而來的人都對我微笑~~~個個都有白衣天使既感覺……很高興……跟住再諗住繼續打開個心輪，大家又笑一笑，閃一閃~~~~(不過醒返之後，點解我無諗起要同個世界sync一下呢？？下次再黎)
好啦，好鬼長氣，因為真係不斷咁出來出去……噢……應該無乜特別野遺漏啦~~~