asdfoiewr的經驗(050318)

www.out-of-body-guide.com

  尋晚又係我既例牌菜,直接出體:

  四點三起身,五點訓返,浮左出黎,未有野睇,跟住降落,開始有影像,係一間乜都無既四方形大房入面,地下有大四方格黑白磚,樓底很高,高處有一隻窗……唔知做乜自己回左體。

  我梗係唔憤氣啦,再出多次,今次轉左出黎,即刻有影像,又唔同左位置,係一條走廊入面,望出去係街,好似o的大廈地下咁,我慢慢行出去,影像超真實,係日頭黎既,環境好光,似係油麻地,有行人,我走到一個人前面,用手響佢面前係咁揚,好似睇唔到我,再前走,有o的典型香港建築物,又有o的地方比鐵絲網圍住,似係貨物裝卸區,好油麻地feel,我命令幻覺消失,一o的都冇變,心諗,今次仲唔冇死,通常係呢o的超逼真既環境我可以成功瞬移,我一野飛上天,不停重複講:「要去500年後香港!」

  有離心力啦,正,一路享受o的離心力,一路不停講,終於離心力無左,掂,我響維港上空,望過去香港果邊,環境依然超真實,我亦係超清醒,心諗今次有排玩,雖然我唔知係咪真係500年後,望過港島,佈滿建築物,好靚,差不多全部都係天藍色,有o的係銀白色,比例約為8:2,我望住佢全速飛過去,點知,我老婆一野轉身,撞到我個背脊,我頂!真係谷鬼氣,難得成功舜移到,又比佢搞禾左,真係忍唔住要打出黎發洩一下。

  P.S.以前成日一出黎係自己間房,呢排唔同左,去左第度。