小葵籽的經驗(050317)
事前都係七點幾不斷咁叫自己清醒少少，然後再訓返(懶得去廁所嘛……)。
本來發緊夢，仲以為自己係塊花瓣，跌落去天橋下既花糟，於是，太大離心，自己醒覺自己在夢中。於是就集中精神，定一定神，開始飛上天……
唔知做乜每次一出左，就會覺得個天好有吸引力……飛唔得好高，但快左……然後醒左。
然後咁順便鬧鐘又響，等佢響完，再出體，今次係自己走出去(呵呵呵~~~終於自己識郁啦~)。但初初係乜都睇唔到，好黑，以為自己去左隧道，等左一陣，諗起凱斯柏話要放鬆o的……咁我就放鬆o的……然後把心一橫張開眼……(大不了醒返之嘛)……
睇到自己係屋企，我覺得無理由我行來行去都係屋企，於是係咁叫唔要見到幻象……但乜都無變，於是我又學亞樂爺果招……拆自己間屋，逐條窗花拆落黎，然後嘗試穿出去。
出到去，見到個好細既小公園……-___-我想去森林呀……嗚嗚……個公園得三棵樹。咁就諗住，都係去返睇天……發現個天真係幾靚……仲有少少類似北極光既光色……跟住我想去天空之城，不斷咁諗住去天空之城，轉眼間，個天變得好藍，仲有幾舊唔大既雲，但o的雲好3D
feel……
飛飛下……又醒左……跟住都無諗住再出啦……等左一陣，鬧鐘又響……即係呢round個時間大約得5分鐘左右啦~~~
呢排仲未諗好個to-do-list，出街都係遊下遊下……等我有時間再認真諗諗先……