凱斯柏的經驗(050316)
話說又係break訓一個鐘(偷雞左3個字，呵呵)，咁訓果陣暗示下，心理時間下，然後夢，發發下聽到濃本多情@.@，跟住知道出左體。不過睇唔到野，仲不停向下跌返身體，用意志定住啦，再上升，都係睇唔到野。之後睇到o的影啦。一睇到就極速跌返身體啦。之後有signal仲睇到o的影，有個人好似搵野劈我咁不過又完全睇唔到係咩野。到signal完左都係出唔到既。
咁當然近期難得有狀況緊係唔會就咁算啦．唯有再暗示，今次我暗示得醒o的，大家都可以試下，就係暗示自己出體外還要出體時可以自由行動。就係咁訓返，再發夢，唔記得點啦。發發下又黎料，夢到自己係一間屋訓緊假醒，假醒中有singal，起身……頂住左……訓返響度。再起又唔得．signal仲持續緊。好！！！今次右碌……咦……出到少少，都係唔得住，出唔晒。左碌……又係出一半頂住，隻手出左。然後突然隻左手掂到o的野，我用來抓住一升……出左，又係咩都睇唔到。
睇唔到，唔得！我要睇到！好可惜，命令得太激回左體。又訓……又夢，又係果間屋又有signal。唔知點解我又好自動咁出左隻手，然後左碌，feel到成個靈魂扒左係度，兩手一伸出左^.^不過又係睇唔到野/.\。
今次命令自己睇野命令得無咁激啦。而且突然記得賽斯話呢o的野本來就係不費力就做到。咁我連出體中都放鬆埋，好得意，咁反而成個畫面清好多同埋好似無咁需要用精神去維持住狀況。然後，我行出間房去左第二間，有兩個window。睇其中一個睇到一個森林。森林中有o的紅光。另一個睇到天空係咁多。
我想穿森林果隻，穿唔到，然後改第二隻。好！穿前調整下心理先。一定得架。就係咁， 助跑幾步一跳穿左，空中降落，前面一片森林。想飛高睇清楚o的。然後用果o的龍珠舞空術式既飛起睇下……一睇……好靚既森林，從來未見過(如果我識畫畫我一定畫低佢，不過就係唔識)。突然見到林中有一o的紅光，出於好奇用舞空術飛去先。一路跟o的紅光飛啊飛， 飛到一個地方睇到一個人像。行埋去睇真o的係咩來。嘩……好似關二哥，個像眼定額咁上下位置發出紅光……好靚@o@
再睇真o的佢右手拿住既唔係關刀=。=係芭蕉扇=。=睇下個樣……都係神氣活現。我直覺覺得佢真係關二哥，不過唔知點解拎住把扇．既然無野好睇，同上次一樣去下沙漠，突然有0.5秒左右見到金字塔又響返森林，唔理啦，我要去……印度=o=
明明話去沙漠，點解會諗左印度，一咁諗，大獲……醒左-。-
醒左又有signal……係現實中，不過好可惜夠鐘起身做野＝.＝……完！！