今日響飛機途中，睇左2本靈異書仔，之後戴上眼罩就訓……唔知訓左幾耐，突然覺得自己意識好似聚焦咁，形成一團野(?)，意識開始清醒(身體熟睡)，知道可以出體。 

　　馬上嘗試離開身體，感覺到離開左少少，無問題，可惜當時乜都睇唔到，漆黑一片，雖然機倉內好黑，不過不至於乜都睇唔到。睇唔到野呢個情況極少發生，只係上次出體試過好短暫，咁我學上次咁就集中少少，希望四周影像會出現……可惜試左好耐都唔得，最後訓著番。  

 

　　我估可能同個眼罩有關，凝住自己係戴左個眼罩，超越唔到。其實我訓之前都有心理準備，諗住如果得，我會走去我同事個位，睇下佢坐邊(我只知佢坐我後幾行)，醒返再問佢証實，可惜。