alittlefish的經驗(050308)
尋日保羅叫一齊出體去500年後，我放入to-do-list到，半夜起身去完洗手間就出體，點知係去左60年後，詳情如下：
半夜起身去完洗手間再訓，無耐就整個人慢慢升起，然後好快咁向上飛去，穿過好多天花板，見到好多人地的房間，我在心中對自己說：「我唔要響呢度飛，我要去500年後的香港，去啦。」
我一路飛一路默唸以上說話，不斷重覆，然後飛行慢左，我慢慢飛左出去一條大馬路上面，無咩車，又唔知自己響邊度，見到條街有人行，但全是男人，好後生，而且生得好鬼高，感覺上有成六尺幾，無咩女人，又無老人和小孩，好奇怪，我見到有個男人企響一間屋的大門口，我走上去，我問男人：「呢度係唔係500年後呀？」
男人：「痴線。」
我又問：「咁而家係咩年份？」
男人：「你自己去睇下啦。」
跟住佢拎左一排朱古力出來食，又分左少少比我，但我無要到。
男人問我：「你唔鍾意食朱古力？」
我答：「唔係呀，我鍾意架，但我唔敢食。」
男人說：「怕咩？我地而家鍾意食咩就食咩，我餐餐食朱古力當飯食，無事架，全部改過哂，你食幾多都得。」
我問：「咩叫全部改過哂？」
男人答：「即係將食物的營養打哂入朱古力裏面，食幾多都得，無副作用架，而家係咁架，如果你中意食薯片，即管買來食，唔怕架，食幾多都無事，唔會有病。」
我又問：「咁究竟而家係咩年份？可唔可以話我知？」
男人說：「你自己去馬路睇下啦。」
佢講完就走左入屋，唔再理我，於是我真係行左去大馬路，感覺四周暗左，我馬上對自己說：「精神呀，光o的，光呀。」
然後我就見到大馬路的燈柱上面有一個好大的長方熒幕，每條燈柱都有一個，長方熒幕裏面有個男仔，好後生好靚仔，我走過去望下佢，佢忽然同我講野：「你想問咩？問啦，我可以答你。」
我問：「你係邊個呀？叫咩名？」
男仔說：「我係服務員，無名。」
我又問：「而家係咩年份？」
男仔：「2064。」
我又問：「呢度係唔係香港？」
男仔：「唔係。」
我又問：「咁呢度係邊度？」
男仔：「基地。」
我又問：「咩基地？」
男仔：「xx基地。」(我唔記得左)
我又問：「呢度有無圖書館？」
男仔：「無。你想睇咩書，可以問我。」
我又問：「我想睇三級電影，有無？」
跟住個熒光幕就放左套鹹片出來，好嘔心，我馬上叫停，個男仔立即出現返，但係同時我亦開始向後飛，我知道自己要回體了，我一路向後飛一路對個男仔大叫：唔該講多一次而家係咩年份？男仔就好大聲咁說：「2064。」
跟住我就進入了一片黑暗，回體。