alittlefish的經驗(050307)
清明夢中自己睡在以前的舊屋，突然見到一雙紅色好像網球咁大的眼睛。對眼望住我，好凶惡，我馬上對眼睛說：「鬼眼，快快來壓我床，我要出體。」
跟住我就成個人放鬆哂，然後好快咁就飛左出來，一野就飛左去另一間房。好暗，我於是向下插落地，又見到對眼凶住我。我唔理佢，一味向下跌，感覺有點像一條好暗的渠，一直跌但無離心力，速度不太快，跟住我就對自己說：「停呀。我唔要響呢度，我要去超越第十裏面講果個生死廳，去啦」
接住又飛左一陣，然後慢慢停左，我見到一個類似保安站的大堂，見到有個阿伯坐起度，唔知睇緊咩書，我又見到有道玻璃門，我想穿出去，但係心想：「不如試下開門出去啦。」於是我真係伸手去拉道玻璃門的門把手，居然拉到喎，咁我就出左去。
一出到去，就見到一間士多店，有三個人圍圈坐在士多店前面傾計，兩男一女。個女仔係我以前的小學同學，其他的不認識，他們談得好高興，我飛過去跟他們有以下的對話。
我對小學同學說：「喂，你信唔信我係一個靈魂？」
小學同學笑住答：「我信。」
我又問另一個男仔：「你信唔信我係一個靈魂？」
男仔又笑住答：「我信。」
我又問最後一個：「你信唔信我係一個靈魂？」
佢又笑住答：「我信。」
跟住我又問我同學：「咁你信唔信我係一個天使？」
小學同學笑住答：「信呀。」
我又問另一個男仔：「你信唔信我係一個天使？」
佢又笑住答：「信。」
我又問最後一個：「你信唔信我係一個天使？」
佢又笑住答：「信。」
跟住我聽到我同學跟那兩個男仔說：「佢原來真係見到我地喎！」
我問我小學同學：「我想去超越第十裏面講果個生死廳，你知唔
知點去呀？」
小學同學笑住答我：「頭先玻璃門入面果度咪係囉。」
我聽完之後呆左，跟手回體。