閃靈的經驗(050305)
聽king sir所講我努力練左兩日，點知都係一覺天光，好勞氣……
廢話少講，講返以前有兩次經歷，唔知算唔算啦 (亦因為呢兩次事件，先會開始去想oob係咩一回事)！？雖然呢兩次唔知算唔算，但我就要求一定成個出左黎先算自已出過體(本住科學精神嘛)，所以嚴格講我係未出過體既(自已認為)！只係想知果兩次算唔算，等我可以作為以後練習時參考參考之用！因為小弟成日都會遇到被鬼責情況！但咁多次都無振動，同無聽到任何聲音！
第一次：
係被鬼責情形下發生，當時我未知乜野係oob，更加唔好講乜野新時代文化！當然嚇到鬼殺咁嘈啦！同大家一樣，當然被嚇到大叫(好用力先叫得出，叫得出時唔知自已聽到既算唔算叫？總之叫得好用力先叫得出好弱既聲音，當然係無人聽到果隻)，被壓醒後只會一個反射動作，整醒自已，當其時我十分之記得，因為我早訓，我屋企人重響廳度睇緊電視(而事實上佢地的確係睇緊電視而我訓左)，門係半開既，咁我就大叫求救，But~~叫唔出，感覺叫出既聲佢地根本唔會聽到！咁我唯有努力整響身邊既野意圖發出聲音等佢地黎救我啦！我就用隻腳整響床尾一個膠袋，好努力之下成功左，不過唔係物理性質果種(即真實地整響膠袋)，當時我已經意會到呢個情形，只係唔多肯定咁解！而自已記得當時既然我整響過膠袋，我隻腳咪移動過？咁我係咪出過體？但大家請記住，呢件事發生時，我唔知oob係乜？事後我醒番(當然係努力活動手腳搞到醒左果種)，家人依然睇緊電視乜都唔知！當然問番佢地之後，佢地無人聽到我求救！當中無異像，無所謂鬼怪之類出現，不久，此事不了了知~~
第二次：
同樣比鬼責，但當時已經知有OOB架啦！當下自然唔會再咁笨放過呢個大好機會啦！我先等自已平靜落黎先去下一步，因為聽你地講心跳太快會出唔到黎！而事實上呢次我已經唔會驚呢種情形出現，如事者等左幾分鐘，個人好靜覺得係時候試下出黎啦！我就望向左手邊(當然應該理應係被責後動彈不得既，但我竟然可以打側身向左望，不過當時唔知點解自已並無為意呢點？)，想舉起隻手，唔得！同平時被責一樣！咁我就用king sir教果招，叫自已浮起！奇怪事發生啦！我感覺到自已飄起向頭頂方向45度角左右向上漂出去，整個人漂起左太約5-10cm！好啦！飄起左係好事，但我驚，驚會飛落街！因為我住成廿幾樓，床頭對到應窗口！咁飄法會飛落街！雖然話出體可以飛，但都叫做第一次嘛，第一次就要我玩跳樓，好驚，驚到彈左返黎！全程無合上眼直至完全清醒，事發經過好清楚，最後當然係好勞氣~~
就呢兩次事件，我唔知係唔係算出左體？總之一切如king sir或大家所講！非常之咁清晰而並非發夢！至於清明夢出體，我未試過所以唔知！個人覺得我應該係屬果種被鬼責出體會容易o的果類，加上我無乜清明夢，同唔識睡眠暗示法！所以，大家睇完小弟呢兩次經歷，有經驗既比o的意見我等我用黎做一個以後練習時既參考？至於算唔算出體？其實我經驗唔多，亦唔知算唔算有？希望大家幫我分析一下事件！唔該晒~~^_^