綠幽靈人的經驗(040829)
兩點多才睡。七點左右被友人電話吵醒。說了數句後，去了小便便再睡。
之後仲好倦，但總之睡不太深。即係仲知道要拉被扲和成日轉身。心仲想：「哎，搞到訓唔返著。」
咁就心同自己講，好唔好又試下成日失敗的「入睡但意識清醒狀態呢？」
咁就只需合埋雙眼，好容易就恰著，但唔深沉果隻。差唔多失去意識就同自己講：「保持意識。」
如是者，發生兩個情況，一係真係肉體醒埋，即係感覺到張床同張被。一係就發夢，跟住扎醒。
如是者，在連續發生三四次這兩種其中一種情況下，到了第六次左右。我可以做到就黎失去意識，但同自己講醒要清醒下，冇即刻醒晒，即係冇即刻感覺到四週床和被。我立時同自己講向上飄。突然感覺「聽」到一種波紋狀東西在耳邊。眼前好光一片，但有波紋向兩邊耳旁向後去，有種向「上」感覺。幾乎在同一時間，不斷有把男人聲問：「睇唔睇到呀，睇唔睇到呀……」
佢問左七八聲左右，我記得應該係要「想睇到」。我抑壓果種把肉體眼睛張開衝動，改而想為「我要睇到，我要睇到……」之後好似白光中間突然像雲般散開，一幅街景出現眼前。
不太遠處一座建築物，顏色同形狀感覺是紅隧旁理大。把頭轉向左面，近處卻是一個類似油站地方。清楚看到有兩個人員在工作。一男一女。油站同理大中間是一個有高牆建築.高牆上掛著一塊巨大垂直banner，上書兩隻大字「代都」.跟住我想轉去看右面景物，但此時心中突然覺得太清晰，有少少驚，有種「都係夠啦」感覺……即刻乜都消失……再次感覺到肉體，醒返隨即睜開眼……
諗起剛才那種「真實」感同果把男人聲，當堂起晒雞皮，之後便索性起身食早餐……
P.S.：我唔敢講話係咪發夢自己出體。但因為呢次前發左個夢扎醒，當時心同自己講，「要做到入夢但意識清醒好難。頭先個夢就係，一入到夢就俾夢境完全控制，完全好似睇故事咁，到完左亦已醒左。」但之後個情況，係自主性較強。因此懷疑自己出體。