焯球的經驗(040928)

www.out-of-body-guide.com

返左學之後好唔得閒,加上果陣有人叫我唔好出體,咁我都好耐冇理到呢回事,連出體谷都冇上。但係琴日無啦啦諗起出體,就去一去出體谷,當晚就係咁諗住要出體啦,點知……真係得左喎……

我有個清明夢,就立即訓低,我眼前的幻覺突然全部冇哂。跟住我慢慢起身,唔知點解,我隻腳成日自動浮起,我今次唔俾佢起,用坐起身的方法起身。我見到自己仲係自己間room,就跳起(當然好高)睇下我放響櫃頂未睇過既啤牌,睇左好耐,隻眼好花,好難睇,又好似梅花,又好似瑰扇,最後睇到梅花8,我叫自己一定要記住。跟住試下睇穿o的野,唔多得。咁就去跳樓啦∼∼去到個窗度,記得king講過,可以用手按穿玻璃。咁我就試啦,真係得,愈按愈深,好得意。跟住我個人由窗框中出左去,又係好得意。跌落去,跟住當然係離心力啦∼∼又係咩都睇唔到,跌到落最低時回到身體了。

一起身,唔記得左之前出完體黎,就趕返學了,上了車才記起這事,最深刻的是梅花8。到左放學,返到屋企冇耐,記得返要睇啤牌,立即去睇,一睇之下-------瑰扇7。點解﹖﹖﹖@@

我次次都夢中出體,好唔真實,有時仲諗自己係咪發夢……