焯球的經驗(040831)
今朝起左身，過左大約一個鐘再訓過。開頭訓唔到，就試下用大家出體前的準備方法(eg：呼吸，想像……)，跟住訓訓下訓左。發左個夢，好似係我同隻狗玩(好長，記憶唔清)。跟住好似醒左，再訓過……跟住我由床起身，行左出我屋企個廳(果時應該都發夢，記憶唔清。)。到我出到廳，feel到自己未醒(我之前都講過，我經常會夢到自己起身，很有經驗，很快就會發現)，只係發緊夢。我果陣係十分清醒既清明夢(可能以出體)，我清醒得可以諗野，我果時好似諗：「我係咪發更夢？係！咁我點先可以出體呢？」
king sir講過有兩種方法(訓前岩岩上左呢度睇到)，係咩呢？訓下來？我唔想用呢個！我要冷靜o的，我要冷靜o的，慢慢諗……呀！係啦∼試下「飛起」。跟住我好似向上浮起左，個感覺好怪，跟住慢慢落返黎。我落到地，又飛唔到，只係可以jump下jump咁，浮下浮下，我果陣好開心！跟住我想jump落街！jump之前認定自己係夢中先(話哂人地咁大個仔第一次玩jump over the window 嘛！)跟住我助跑撞向window，但衰左，俾佢擋住左，唔緊要！再黎，幾次都唔得，跟住我開window，都出唔到去(有窗花的)最後我「死就死啦」就撞出去！跌落去我咩都睇唔到，好大離心力呀！正呀！我叫自己要睇到野！睇到o的但好鬼矇，我要清o的清o的！好矇咁睇到個球場(我屋企樓下果個)，跟住咩都睇唔到，好似去左第度既feel……只係feel，我睇唔到野架！我要睇到野！我要睇到野！
跟住返返個身咯，跟住仲訓緊，係度發清明夢，我係度諗，醒唔醒好呢？都係唔好啦∼黎多次！跟住又發夢係home，跟住我試下叫o的野向上，唔得……
果陣開始冇咁清醒，跟住冇咩知覺咯…….好似仲發左好多夢……一醒返果陴冇咩野(竟然唔記得左)，諗諗下先記得頭先好似出體喎……唔知我發夢定出體呢？但出體果陣記憶清楚o的！