賀少的經驗(041119)
小弟平日出體經驗唔多。但被要求出體，真係一個月3-4次。話哂出體都係關於一o的靈異野。我唔係太想接觸。
平日被要求果陣，我多數會握實拳頭，希望自己唔好出體。久而久之，都習慣左被要求出體呢件事。
事發係上星期。我幫親戚工作，辛苦一天之後回家。食完飯就沖涼訓覺。因為太倦，就好快入睡。但我知道每當自己十分疲倦果陣，就會係被要求出體之時。結果應驗了，但我唔想接觸出體呢樣野。我再係握實拳頭。希望可以避過呢次考驗。
可惜今次真係控制唔到，終於出左體。果陣我合埋雙眼。感覺到自己個身好輕好輕。我本身係緊緊握實拳頭。但果種感覺冇左，我再大力，都係一樣冇感覺。
慢慢我開眼。已經見到自己向上升起，開始浮上天花。我好驚，因為我唔知會發生咩事。但竟然慢慢穿越去到另一家人既地下。果陣我望到係1點鐘左右，而果家人有養貓。我聽說有人出體之後。貓狗都可以見到，所以我試下玩隻貓。
點知我浮過去果刻，隻貓已經起身望住我。隻眼仲有好暗淡既光。我先知道，原來貓狗真係睇到出體既人。同時間，有個男仔開門，一開門果下，我比陣風吹走。
我記得個男仔係玩緊online game。
出到去。我飄得好高好高。去到中環建築物之間盤旋，睇下維港。就係果一刻，有一陣強風吹過，我比佢吹到轉左幾個圈，再用眼望果陣。我見到一條泥黃色既龍，條龍圍住我飛左5個圈，就向地下離開。正當我去追果陣，耳仔邊有電話響，我知道係手提既聲。過左陣，電話聲冇左，但自己「眨眼」果一刻。再開眼望。我已經訓返響床到。
第一次經驗，想同大家分享