凱斯柏的經驗(041118)
尋晚飲左o的酒，今朝又晨早起身，個人好累……o岩晒出體。
咁係下午1點多訓過啦。一訓就知一定有體出啦，因為有好多未訓著既夢同埋有音樂(好正架，唔知點解訓覺出得體既日子一定會係夢中or潛意識有o的音樂or歌曲，o的歌仲要係未聽過，有次聽到黃家駒唱歌，隻歌完全係現實中冇既)，知道來料啦，咁我就由佢自己訓啦，因為通常訓訓下就會有出體signal架啦，訓到咁上下，果然……來料啦！！
係呢個時候，我無如常咁命令出體同起身之類既野，因為我好清楚我合埋左眼，下午天係光既，但我睇到既係啡色既環境，唔駛諗都知係用緊內在感觀睇野；當我試下開眼時就咁衰左。
衰左唔緊要，出體signal仲響度！！再來，好快又係好似之前咁睇野啡色，咁當然好開心啦，正準備命令出體時，突然，「痾奧」！完來我冇關電腦，仲要冇off
icq，就咁嚇醒左……頂佢=.=
發生o的咁既事都唔想再出啦，咁又訓啦，一訓就突然見到眼前有個人影係度玩電腦(類似千里眼果種影象)又係唔知係邊個……不過今次有o的清楚仲睇住個影像形成……
正想睇真o的既時侯：「ban ban起身飲茶啦去！」=.=我老母拍門，影像就咁消失=.=真係禍不單行=.=