麥麥的經驗(041009)
我本身未試過架，但琴晚有個好似出左體，好奇怪……
我琴晚一訓著就發夢，發發下突然好清醒。雖然我仲feel到自己應該係仲訓緊，但就睇到野。我想試下自己係咪真係清醒，就同自己講：「我要浮！」點知好似真係浮起左，再諗：「我要飛！」，但冇乜反應。
於是擰轉頭試下係咪會睇到自己，點知所有野都變到好模糊。跟住覺得驚驚地，於是試下郁下自己o的手指，跟住feel到自己訓番係床啦。但係冇耐又feel到浮浮地，仲好似照鏡咁見到自己，但就好似個一好快既slideshow咁，o的image係好快咁一格格去。鏡中既我表情好驚慌，之後我都好驚，又feel到自己訓番係床，同埋睇到自己間房。但係望到既角度好奇怪，平時訓響度只會望到天花板，但係我果時對眼好似裝左wide angle咁，可以睇哂成間房。雖然知道間房係自己既，但係有一種好陌生既感覺。之後好快就訓著左啦，訓番之後都不停發夢。
今朝醒番，「出體」夢記得好清楚，但係其他既夢唔記得左係乜，淨係記得同打仗有關……
同埋雖然我一向對出體呢個topic幾有興趣，不過一定唔敢試，但係琴晚點解可以咁果斷咁諗我要浮？但係我係有意識地叫自己浮個喎……
究竟呢次係咪出左體？