怒之軒的經驗(040928)
我都一直有留意呢個谷，所以你地既出體方法都有睇過下，始終唔試過自己都唔係真係好信。好多次訓前都有試下，但係一直唔得，多數都係太累訓著。
直到今朝有個好特別既經歷，但係唔係咁sure，所以都打出黎求證。
28/9響晨早五點幾時訓到好地地，突然醒左醒，當時天都未光，個人都迷迷糊糊仲好想訓，當時本身係側身向右訓，但係咁o岩就得咁橋諗起自己係半清醒狀態，咪再試下king sir網頁所教，咪跟住訓番平，一路諗浮上黎，諗既時候立即好有拉扯，個人成身麻痺。但我又怕一出就會見到o的污糟野，所以都hold住個狀態好幾秒。始終好奇心大過驚，有個死就死既心態去浮後，好自自然然咁浮左少少，我就感覺自己控制到，就轉身，開眼都一氣呵成。
見到自己訓左係床，但個自己個影像好唔真實，好似電腦模擬咁，仲睇住自己轉番側身訓，係度抓癢=-="(乜個實體會自己郁！？<--呢個唔清楚)，好白痴咁爬落床，落床先記得係可以飛，一試又得，飛得起喎，之後見到有個人教我用控制電腦去證實一o的野，但我用個keyboard冇反應，只係用到個mouse，但係click個IE又唔work=-=？
唔通能力不足？我有問個人佢係咪「實體人」，佢答我「係」，仲幫我試下用email寄o的野，正當想send既時候就控制唔到彈番入個實體度，仲立即好精神睜開眼。因為精神到訓唔番，睇個鐘都已經六點，天都光左，咪起身打左呢篇野。
我都唔係好sure係咪清醒夢，但好少發夢仲要咁記得，好出奇。