邪留丸王子的經驗(041022)
今早訓到半路突然覺得好似有signal咁，我同自己講：「起身，快的起身！」
跟住我仍然半側睡地發覺有兩個唔同動作既自己，一個仍然睡著既自己同一個擰轉左小小身既自己。自己即刻好奇望下自己對手，係半透明咁好得意。
跟住個心要証實自己可以穿過房門，一穿出房門，發現我既哥哥企左響個廳度好似望著我咁，但又唔知係唔係，個心仲問自己：「佢係唔係見到我呢？」
跟住我就行出大門同樣想穿過，今次好似好難穿咁，我以為穿唔到，但係望返轉頭又見到自己係門外。跟住落樓梯，自己仲問自己：「點解唔係跌落去既？」
落到地下個心諗：「去邊度好呢？」行左兩步感覺後面有野扯一扯我，然後自己同自己講：「哎也！我著住睡衣家喎！週圍行好尷尬呀！不如返屋企換衫啦！」
但因為覺得好辛苦先出到黎，所以我唔理。再行多兩步諗去邊，然後已經發現自己係返張床度喇！不過唔覺有離心力。