快樂鼠尾草的經驗(041020)

www.out-of-body-guide.com

  琴晚出左二次体……

  訓訓下,意識醒來,眼前一片漆黑。

  感到自己在房中飄……看到黑暗中房間窗戶的輪廓,今次我識得令自己冷靜,放鬆……命令自己看到野。

  一段時間後,感到黑暗中的左下方出現一藍色光點。突然果一點擴大,然後見到影像。

  原來我已到左藍色的日間天空中,眼前是好高果座合和中心。

  我又好似上次咁,不斷高速咁垂直下降同升高。重複左好幾次(但畫面都係有點逐格重播快鏡feel。斷斷續續的,唔知點解次次出体都係咁)

  之後命令自己去某一個日本明星的家,感覺自己轉移左去,但見到的只是一幅靜態畫面……都看唔清果個人是誰。之後再轉移去另一個人屋企,之後便唔記得發生乜事了。

  第二次,唔肯定係咪夢中出体,只覺得發夢期間,突然feel到自己可以飄飄下。於是就飄來飄去咁觀看夢中的人物,有時飛到佢地上面看,有時則從低處看他們的臉貌,好得意。

  p.s.我發覺一樣野,就係出体果陣如果命令自己轉移去一o的唔熟悉的人的地方會好易當機……即係去唔到,會回到黑暗空間,甚至立刻回体。

  可能自己意識的能量唔夠,去唔到咁遠呢!!