小葵籽的經驗(041108)
今朝發生……大約為時約半個小時多……分左三次進行。部份混亂左唔知發生咩事，就當係清醒夢。
訓到半夢半醒咁……又唔係好訓得著，於是就嘗試數focus10……但我大約數到3左右就已經個人迷迷糊糊……(因為我未試過成功於非常清醒狀態下甩個頭出黎……)但今次就好明顯有一下子覺得自己甩左出去。
離開身體之後，我睇得好清楚四周，同我真實的家很相似。亦非常有真實感……真實到我分唔出是出體後世界還是真實世界……咁懷疑，不如就穿下牆啦~~~穿左牆之後，見到隔離屋，是一間好整齊的房……(呢樣擺明係假，我隔離屋搬走好耐。)難得無端端有得出體，我就去跳下樓……(好大嘗試)但跳樓前，我又計過度過，抓住o的黑色鐵欄杆諗左好耐……(呢一剎那我發現自己原來很輕。)跟住就放手……不過之後就無印象……好似返左入身體裡。
覺得很可惜，於是又再出過。
又係穿牆，有時有d牆穿唔過，我就同自己講：「我只係一個靈魂，無野阻到我」跟住玩玩下，又返左入身體……
第三次，見到亞媽唸經(這是事實……咁嘈我都仲可以出體，佩服了自己)，我仲拎左本經書睇，但覺得本經書入面o的字變晒……雖然都係中文字，但o的句子既意思變晒……
當時我仲諗緊，會唔會係因為現實o的佛經資料扭曲左……家陣出體睇返d佛經就會原汁原味o的……但醒左就唔記得晒囉……下次一定要記住啦。
跳樓前，我望返自己張床，發現見唔到自己，果一刻好驚……驚住自己真係起左身，所以就玩左一陣穿牆，確認下自己唔係肉體先。跳左落去之後，合上眼，然後就眼前黑晒，感覺到個空間係變動中。(離心力不是很大……我心臟還承受得起……再次懷疑係靈魂太輕……所以無乜離心力……)
最後發現自己跌左落一個六十年代feel的舊墟裡……很多商店……見到有街牌，跟住諗起樂爺講zoom……但我發現，只要一留意到個街牌，就好自然有個影象係眼前……(好有電影o的zoom埋去既feel……)我見到個街名鬼咁長……咩咩香港大東道咩咩咩……(當時仲諗，搞乜鬼路牌要寫埋「香港」)
不過條街無咩行，人又唔多……咁戇居居情況下，就返左入身體……繼續睡眠……