小葵籽的經驗(041012)
連自己都分唔清，因為我無試過半夜出體。但睡姿係我平日練習出體的側睡，側到趴咁滯。
訓之前練過下焦點10，當時雙手已經feel到走左出黎，係個人無出。跟住就叫自己訓，唔好練囉……
半夜突然精神好清醒，神智清醒狀態同平時出體差不多啦。見到四周一遍黑暗，起初以為係黑房。覺得好似被傳送中，於是心諗，未試過出體去左隧道喎，不如等下，睇下會被送去邊…….
跟住再見到光時，就見到一個控制室。設計好簡單，有張簡單既長檯，檯上面好多文件。間控制室其中一面係環形大玻璃牆，可以望到樓下果層，樓下睇唔清楚，只知道好光，近白光(個場景有o的似中間係空中花園，外層是控制室)
檯旁有二至三個人響度好忙咁處理文件，當時feel到佢地處理緊一單大case……
我聽到佢地講天津……然後我就移動自己埋去檯邊。有個鐘，見到日期:2004212……然後有個8字……
跟住我仲問：「8字係咩？」跟住有人答我，8字咪就係星期八……-___-
當時我仲shortshort地咁答：「係喎，太耐無返黎唔記得左……」
之後，o的人先發覺我存在，其中一個就捉我掟我走。-__-
仲好清楚聽到佢地話：「你未返得黎住……」
(跟住打後，就開始出現o的古靈精怪橋段...開始返去夢境……)但前面呢段 好有真實感……對間房好有熟悉感覺……我甚至覺得自己以前係佢地一份子……
所以自己都分唔出係清醒夢定出體…….
不過，想問有無人出體去過o的類似控制室，辦工室咁既地方？？