小葵籽的經驗(040927)
今朝出體，同平時好唔同，不過我諗你地大概都試過……
今次出體，先感到個人搖來搖去，我搖到直頭自己坐左響度(跟住我就問自己，等緊出體呀，你無端端坐起身做乜，仲唔訓返低？)
跟住……訓低先知頭先坐響度既只係個soul……-__-我個睡姿一路都無變過……
第二次，知道咁搖法原來係出體徵兆，於是就由得自己搖，搖到起埋身，落埋地(動作非常自然，好似與生俱來)，confirm自己出晒黎，就施施然吩咐自己開眼，跟住行去窗口望下(指定動作)，又再次玩穿手出牆，穿出穿入。直至自己覺得放心為止。
跟住，就本著「死就死」既諗法，爬出窗(呢幾個動作浪費好多時間……)。
……好死驚，坐左係窗口抓住鐵枝繼續驚……
不過最終都迫自己跳落去，離心力維持左1秒，我就迫自己飛。咁咪飛左一陣，夠鐘醒返(約四至五分鐘)……
第三次，又搖……
搖來搖去，搖到個人(靈魂)由側睡變趴響度，跟住兩隻手慢慢自己撐起上半身。點知，一個唔該，用錯神，跟住又返左落個身體度……今次出體，我係第一次好仔細咁，感覺到慢慢脫離身體。真係一個唔聽話既靈魂，feel到自己好似變成兩個我。
題外話，我以前唔知搖住可以出體，我仲以為係個body練緊自發的氣功……